Folkeakademiet Sula er eit ideelt lag som arbeider for å fremje eit allsidig kulturliv i kommunen, til dømes ved å arrangere foredrag, konsertar, teater eller andre typer kulturprogram. Program om samfunnsaktuelle tema av lokal eller global karakter med påfølgjande debatt kan ein og arrangere. Målsetjinga er å gje folk i alle aldre gode kulturopplevingar og å skape engasjement rundt viktige samfunnssaker. Folkeakademiet samarbeidar også med andre foreiningar og lag. Eit folkeakademi vil generelt prioritere arbeid for og med barn og unge.